Kaaka's mom.

Miriam Kikeikuru!

Iziina eryo n’eryomukeikuru owabeire ari nyina kaaka. Ishe Kaaka bakanibamweeta Yosiya Rwenyumiza.

Omubiganiiro by’ekiro eki (08/June/2009) twagamba ahari story y’omukeikuru nyina Kaaka. Nitumanya ngu Kaaka nuwe murokore mukuru omuka y’eitu. Kwonka nawe twashanga ayine owuyabwihireho –nyina.

Oburokore bwa Kaaka bukaturuka ahari nyina, Miriam Kikeikuru. Omukeikuru ogwo akazaara omwana omwe wenka, Kaaka, oruzaaro rwabura -ahandi yarokoka.

Beiburi ye eketamuriga harubaju, ebyeshongoro byamwo bika bitamurug’ahamunwa.

History n’egira ngu iba –Yosiya Rwenyumiza, kuyarebire yarokoka, kyabateerana -akatakwenda mukazi w'omurokore. Kikeikuru yataana atyo n'eiba, yatsigaza omuburokore.
Kubwashesha, Abarokore okwo omu nkungaana zaabo bamutungira omusheija w'omurokore -, kikeikuru yashwerwa.

Emyaka kuyagyenda, omusheija ogwo yeija yaafa, yamutsiga nabaana be biyagabirwe amushangire nabo, bakuzire.

Kaaka ngu, kuyareeba nyina yaguma wenka, yayenda ngu amureete omutasye oweiba. Kubwasheesha Kaaka yashaba iba ngu amureete aho bamuziikye, Iba yeikiriza. Nikwo nyina Kaaka yeizire kutuura nabo.