Nyomwabazyo ebiro 11/12/2007 ribeeri riri izooba rihango omu magara gangye. Tugiire Burunga (kabogore) kuziika omugurusi Ruteitakantu (Late Erinest Ryogooza) haza mpuriireyo ebigambo bikuru munonga munonga. Abasingo bakuru beimukire bagambaga aha mugyenzi Erinest. Omwe (iziina rye ryanyeba) agizire ati omusheija ori omushanduukye omu niwe misingo orikuhererikayo! Noshisha oti abeire n'amanyisa omubasingo biyanyetsire nabo. Ebyagambire ebindi ninyija kubyongyeraho bwanyima...
Samwiri nawe agambire ahari history ya Ryogooza na beishebo. Akagambo kakuru kabeire kari ngu "kuyabeire aizhayo, ashanga irembo ryigwiire, kuyabeire ashishora, bataho akahingo kakye".
Ondiizho muntu ondirize abeire ari kyasimire, omwe ahabahara b'omugyenzi Erinest hati oshweirwe Omw. Ruboya.
Agambire ahari 'Taata' okuyabeire n'amukunda, yasiima omukeikuru
Kakyapa Joyce, obeiri ori mukeishebo ahabw'okushendekyereza gye 'taata'.
Agambire okw'iba yamukunzire nawe akamukundisa ishe, kandi kwo eka egy ekozire omurimo muhango omuka y'omugyenzi Erinest.
Mutatiina (omutabani) nawe asiimirwe munonga, abantu beingi ab'eimukire kugamba nawe babeire nibamwimutsya nibamusiima okwombekyera ishe enju, kakyapa we agizire ati 'yebare kunyombekyera ekinaabiro omunju ngu nt'ogyera aheru, nanye nyogize sho...' Bamusiimira okukwatanisa nabandi kureberera ishebo kuhitsya obuyaafa.
Ebintu ebyo byoona bindeteire okutiina, okushemererwa hamwe n'okurira...
Obwo kandi nashangayo abeitu beingi beingi haza orufu rwahinduka nk'obugyenyi. Omuntu nka Vangiriini nka muhererikire ira, omuntu nka Hope n'abaana be kansiime, Alex na nyabukazi nshemereirwe munonga kubashangayo, ba kirabo, kasinga, abaana ba Kyasiimire Lorna na Assa, ab'Abaho n'omukazi we, Moses, Byabwera, mbwenu ngamb'oha ndeky'oha? Izooba eryo, ribeiri riri ery'obussasi buturaniire n'okushemererwa!
No comments:
Post a Comment